امتى اخر مره حسيت انك عايز تبقى زعلان؟
انا بتكلم جد !
عارف لما تحس ان زعلك ده ممكن يفرق كتير اوى
عند ناس بيحبوك مش عشان اى حاجه فى الدنيا
الا عشان بس بيحبوك
وتشوف ان مجرد تكشيره منك تفرق معاهم كتير اوى
ساعتها هتقول لنفسك ايه ده ده ده
انا على كده ازعل فى كل دقيقه وكل ثانيه
عشان اشوف غلاوتى عندهم .
بس منصحكش تعمل الحكايه دى كتير
عشان اكيد هم هيزهقوا منك
يااااااااااااه احساس جميل اوىىىى
لما تحس انك غالى اوى عند ناس هم اصلا حياتك ودنيتك
وان ربنا بيبحبك اوى عشان تلاقى الملايكه دول حواليك
دول مش الملايكة اللى فى السما دول ملايكة البشر
اللى برضه فيهم عيوب زى ماانت فيك بالظبط
وانا الحمد الله زى ما ربنا خلانى عاشرت كتير من ملايكة البشر
خلانى اشوف كتير من شياطين الانس عشان اعرف قيمة الملايكه
ييارب يحبب خلقه فينا ويبعد عنننا كل اللى يفكر يعادينا .
هناك تعليقان (2):
آمييييييييييييين يارب
دايما لما ببص لنفسي في المرايه بقول
(اللهم كما احسنت خَلقي احسن خٌلقي)
علشان اكسب محبة الناس وربنا يبعدني عن الغرور
بجد انتي تحبي من غير ما اشوفك
بجد فرحت قوى لما دخلت ولقيت موضوعك قد ايه بفتقد كلامك وموضوعاتك الجميلة اللى دايما بيكون مصدرها القلب ربنا ما يحرمناش منك ابدا
احساس جميل قوى لما يكون الناس اللى بجد بيحبوكى حواليكى لما بجد تكونى محتاجة حد يسمعك او يفهمك او حتى تستريحى بمجرد انه يكون جمبك
واعتقد انى بقالى كتير ما حستش انى عايزة اكون زعلانة لأن المشاكل اللى ممكن تكون عند اى حد فينا كفاية قوى اننا نجرب احساس الحب والخوف من كل اللى حوالينا لكن زمان كنت بتمنى الموضوع ده وبصفة خاصة مع ماما كانت تبقى زعلانة منى فى حاجة كنت بتمنى انى اتعب او يحصلى حاجة جامدة علشان تقرب منى تانى واحس بحنيتها اللى بموت فيها
ربنا ما يحرمنيش منها ابداااااااااا
إرسال تعليق